舊年的今夜
《舊年的今夜》Kū-nî ê Kim-iā
張素綾Tiunn Sòo-lîng
——————————————
寂寞一蕊花
tsi̍k-bo̍k tsi̍t-luí hue
親像阮一人
tshin-tshiūnn gún tsi̍t-lâng
痴情咧思念
tshi-tsîng teh su-liām
等待著彼一人
tán-thāi tio̍h hit tsi̍t-lâng
舊年的今夜
kū-nî ê kim-iā
約束阮蹛遮
iok-sok gún tuà tsia
為怎樣你無來
uī-tsuánn-iūnn lí bô lâi
請問著花蕊阮心事
tshiánn-mn̄g tio̍h hue-luí gún sim-sū
你敢知阮憂愁
lí kám tsai gún iu-tshiû
希望春風啊
hi-bāng tshun-hong–ah
替阮想
thè gún siūnn
將阮心事傳予知
tsiong gún sim-sū thuân hōo tsai
月娘光微微
ge̍h-niû kng bî-bî
愛人你無來
ài-jîn lí bô lâi
為你心悲哀
uī lí sim pi-ai
為你啊咧等待
uī lí–ah teh tán-thāi
你怎樣毋來
lí tsuánn-iūnn m̄ lâi
你怎樣毋來
lí tsuánn-iūnn m̄ lâi
花蕊啊咧疑猜
hue-luí–ah teh gî-tshai
月娘也同情阮心內
ge̍h-niû iā tông-tsîng gún sim-lāi
為著你流目屎
uī-tio̍h lí lâu ba̍k-sái
希望若有需要鬥安排
hi-bāng nā ū su-iàu tàu an-pâi
將阮心事傳予知
tsiong gún sim-sū thuân hōo tsai
