公車牌之戀
《公車牌之戀》Kong-tshia-pâi tsi Luân
秦楊Tsîn Iông
——————————————
↓↓(口白)—(口白)↓↓
會記得彼年我十七歲
ē-kì-tit hit-nî guá tsa̍p-tshit huè
逐工透早
ta̍k-kang thàu-tsá
我攏會來到公車牌仔
guá lóng ē lâi-kàu kong-tshia-pâi-á
佮伊相會
kah i siong-huē
雖然我毋捌
sui-jiân guá m̄-bat
佮伊講過半句話
kah i kóng kuè puànn-kù uē
猶毋過
iáu-m̄-koh
若是看著伊的面容
nā-sī khuànn-tio̍h i ê bīn-iông
我的心肝內
guá ê sim-kuann-lāi
就足歡喜的
tō tsiok huann-hí–ê
歡喜甲公車
huann-hí kah kong-tshia
煞煞袂記得坐啦
suah, suah bē-kì-tit tsē–lah
↑↑(口白)—(口白)↑↑
啦~lah~
七早八早有夠衰
tshit-tsá-peh-tsá ū-kàu sue
公車你嘛小等咧
kong-tshia lí mā sió-tán–leh
你載走我的心愛的
lí tsài tsáu guá ê sim-ài–ê
敢是欲叫我吊車尾
kám-sī beh kiò guá tiàu-tshia-bué
昨暝我寫出一張批
tsa-mî guá siá tshut tsi̍t-tiunn phue
字字句句心內話
jī-jī kù-kù sim-lāi uē
我決定欲向伊表白
guá kuat-tīng beh hiòng i piáu-pe̍h
公車你共我放風吹
kong-tshia lí kā guá pàng-hong-tshue
遐爾衰
hiah-nī sue
啊實在有夠衰
ah si̍t-tsāi ū-kàu sue
有夠衰
ū-kàu sue
公車定定放風吹
kong-tshia tiānn-tiānn pàng-hong-tshue
啊想起來
ah siūnn–khí-lâi
我就捶心肝
guá tiō tuî-sim-kuann
啊放我一人
ah pàng guá tsi̍t-lâng
踮佇路邊徛
tiàm-tī lōo-pinn khiā
一時感覺心痛疼
tsi̍t-sî kám-kak sim thàng-thiànn
莫非這就是
bo̍k-hui tse tiō-sī
初戀的感覺
tshoo-luân ê kám-kak
彼工到了學校
hit kang kàu liáu ha̍k-hāu
下晡三點半
ē-poo sann-tiám-puànn
阮同窗的問我
gún tông-tshong–ê mn̄g guá
是為按怎
sī uī-án-tsuánn
我講我袂爽
guá kóng guá buē sóng
袂癮坐公車
buē-giàn tsē kong-tshia
因為我有志氣
in-uī guá ū tsì-khì
我家己行
guá ka-kī kiânn
啦~lah~
後來我有派人去探聽
āu–lâi guá ū phài lâng khì thàm-thiann
問看是佗一班的姼仔
mn̄g khuànn sī tueh tsi̍t-pan ê tshit-á
啊問規半晡攏無人知影
ah mn̄g kui-puànn-poo lóng bô-lâng tsai-iánn
原來伊讀的學校
guân-lâi i tha̍k ê ha̍k-hāu
佇阮隔壁
tī gún keh-piah
啊聽講伊
ah thiann-kóng i
是學校的校花
sī ha̍k-hāu ê xiàohuā
啊逐伊的人
ah jiok i ê lâng
是規大拖
sī kui-tuā-thua
我聽一下
guá thiann tsi̍t-ē
心涼一半
sim liâng tsi̍t-puànn
阮全班的
gún tsuân-pan–ê
叫我佮伊拚
kiò guá kah i piànn
啦~lah~
話講到第三工的透早
uē kóng kah tē-sann kang ê thàu-tsá
阮規班的
gún kui-pan–ê
包一台遊覽車
pau tsi̍t-tâi iû-lám-tshia
校長閣贊助我
hāu-tiúnn koh tsàn-tsōo guá
三蕊玫瑰花
sann-luí méiguìhuā
閣派啦啦隊來支持我
koh phài lālāduì lâi tsi-tshî guá
彼个校花看一下
hit ê xiàohuā khuànn tsi̍t-ē
著生驚
tio̍h-tshenn-kiann
馬上閘一台計程車
má-siōng tsa̍h tsi̍t-tâi kè-thîng-tshia
可憐的以後的我
khó-liân ê í-āu ê guá
攏毋捌閣看著伊的影
lóng m̄-bat koh khuànn-tio̍h i ê iánn
人講食緊挵破碗
lâng kóng tsia̍h-kín lòng-phuà uánn
我是猶未食
guá sī á-bē tsia̍h
碗就挵挵破
uánn tiō lòng-lòng phuà
啊落氣一下真正貼
ah làu-khuì tsi̍t-ē tsin-tsiànn tah
公車牌仔
kong-tshia-pâi-á
是我永遠的疼
sī guá íng-uán ê thiànn
啦~lah~
可憐的公車牌仔
khó-liân ê kong-tshia-pâi-á
