三點雨
《三點雨》Sann-tiám Hōo
楊小萍Iûnn Sió-phîng
——————————————
一點雨水咧滴落塗
tsi̍t-tiám hōo-tsuí–leh tih lo̍h thôo
我君仔哪會來失誤
guá kun–á ná ē lâi sit-gōo
到底為著啥緣故
tàu-té uī-tio̍h siánn iân-kòo
敢會意外在路途
kám ē ì-guā tsāi lōo-tôo
害阮為你等規晡
hāi gún uī lí tán kui-poo
兩點雨水拍入窗
nn̄g-tiám hōo-tsuí phah ji̍p thang
為著郎君等規工
uī-tio̍h lông-kun tán kui-kang
不時探頭空空望
put-sî thàm-thâu khang-khang bāng
敢會變心愛別人
kám ē piàn-sim ài pa̍t-lâng
害阮心肝毋敢放
hāi gún sim-kuann m̄-kánn pàng
三點雨水咧搢著面
sann-tiám hōo-tsuí–leh tsìnn tio̍h bīn
予阮心慒頭殼眩
hōo gún sim tso thâu-khak hîn
有講著該有憑信
ū kóng tio̍h-kai ū pîng-sìn
敢會又閣來換新
kám ē iū-koh lâi uānn sin
害阮為你費心神
hāi gún uī lí huì sim-sîn
