真情真愛
《真情真愛》Tsin-tsîng Tsin-ài
游小鳳Iû Sió-hōng
——————————————
少女的青春夢
siàu-lú ê tshing-tshun bāng
倚靠心愛你一人
uá-khò sim-ài lí tsi̍t-lâng
只要有你在身邊
tsí-iàu ū lí tsāi sin-pinn
充滿無限的溫暖
tshiong-buán bû-hān ê un-luán
你對我情意重
lí tuì guá tsîng-ì tāng
我愛也是你一人
guá ài iā-sī lí tsi̍t-lâng
只要有你在身邊
tsí-iàu ū lí tsāi sin-pinn
充滿無限的希望
tshiong-buán bû-hān ê hi-bāng
毋管環境變啥物款
m̄-kuán huân-kíng piàn siánn-mih khuán
千萬毋通放蕩
tshian-bān m̄-thang hòng-tōng
正經來做人
tsìng-king lâi tsuè-lâng
第一可憐
tē-it khó-liân
落魄的人
lo̍k-phik ê lâng
毋通予阮來操煩
m̄-thang hōo gún lâi tshiau-huân
謼咿謼嗨嘢
hooh-ih hooh-haih-iah
