男子漢的夢
《男子漢的夢》Lâm-tsú-hàn ê Bāng
陳鷹Tân Ing
——————————————
人生若眠夢
jîn-sing ná bîn-bāng
凡事毋免看傷重
huân-sū m̄-bián khuànn siunn tāng
心情放輕鬆
sim-tsîng pàng khin-sang
成功失敗免怨嘆
sîng-kong sit-pāi bián uàn-thàn
無論有偌困難
bô-lūn ū guā khùn-lân
無論擔菜賣蔥
bô-lūn tann-tshài bē-tshang
無論往東抑西
bô-lūn óng tang ia̍h sai
有拍拚就有希望
ū phah-piànn tiō ū hi-bāng
男子漢的希望
lâm-tsú-hàn ê hi-bāng
有信心有希望
ū sìn-sim ū hi-bāng
男子漢的美夢
lâm-tsú-hàn ê bí-bāng
毋是每日做眠夢
m̄-sī muí-ji̍t tsuè bîn-bāng
有一工有一工
ū-tsi̍t-kang ū-tsi̍t-kang
毋管有偌濟冬
m̄-kuán ū guā-tsuē tang
身為男子漢
sin-uî lâm-tsú-hàn
完成男兒的美夢
uân-sîng lâm-jî ê bí-bāng
