我欲行的路
《我欲行的路》Guá Beh Kiânn ê Lōo
曾朝宗Tsan Tiâu-tsong
——————————————
踮在人生的路途
tiàm-tsāi jîn-sing ê lōo-tôo
難免遇著風佮雨
lân-bián bū-tio̍h hong kah hōo
我欲行的道路
guá beh kiânn ê tō-lōo
因何遮艱苦
in-hô tsiah kan-khóo
啥人無愛溫暖家庭
siánn-lâng bô-ài un-luán ka-tîng
啥人無愛行好路
siánn-lâng bô-ài kiânn hó lōo
毋管環境怎樣艱苦
m̄-kuán khuân-kíng tsuánn-iūnn kan-khóo
勇敢行出我的路
ióng-kám kiânn tshut guá ê lōo
一枝草一點路
tsi̍t-ki tsháu tsi̍t-tiám lōo
毋通閣糊塗
m̄-thang koh hôo-tôo
創造光明路
tshòng-tsō kong-bîng lōo
行在人生的路途
kiânn tsāi jîn-sing ê lōo-tôo
難免有甜也有苦
lân-bián ū tinn iā ū khóo
我欲行的道路
guá beh kiânn ê tō-lōo
愛穩重跤步
ài ún-tiōng kha-pōo
啥人無想浪子回頭
siánn-lâng bô siūnn lōng-tsú huê-thâu
啥人無想著前途
siánn-lâng bô siūnn-tio̍h tsiân-tôo
毋管人生坎坷旅程
m̄-kuán jîn-sing khám-khia̍t lú-tîng
勇敢行出我的路
ióng-kám kiânn tshut guá ê lōo
一失足恨千古
it sit-tsiok hūn tshian-kóo
毋通閣錯誤
m̄-thang koh tshò-gōo
創造光明路
tshòng-tsō kong-bîng lōo
