感謝你一直陪我食苦
《感謝你一直陪我食苦》Kám-siā Lí It-ti̍t Puê Guá Tsia̍h-khóo
康康Khong-khong (康晉榮Khong Tsìn-îng)
——————————————
我上佮意的你
guá siōng kah-ì ê lí
你也佮意我
lí iā kah-ì guá
相親相愛兩个人
siong-tshin siong-ài nn̄g-ê lâng
人人欣羨咱
lâng-lâng him-siān lán
我嘛真正真了解
guá mā tsin-tsiànn tsin liáu-kái
你對我的了解
lí tuì guá ê liáu-kái
白頭偕老
pe̍h-thâu kai-ló
就是我愛你
tiō-sī guá ài lí
你愛我的約束
lí ài guá ê iok-sok
從今後
tsiông-kim-āu
我會認真拍拚
guá ē jīn-tsin phah-piànn
拚予你看
piànn hōo lí khuànn
牽著我的手的牽手
khan tio̍h guá ê tshiú ê khan-tshiú
就是你
tiō-sī lí
感謝你
kám-siā lí
一直陪我食苦
it-ti̍t puê guá tsia̍h-khóo
我知影
guá tsai-iánn
我時常予你煩惱
guá sî-siông hōo lí huân-ló
你我個性拄拄仔好
lí guá kò-sìng tú-tú-á-hó
我的缺點我改過
guá ê khuat-tiám guá kái-kò
凡事著愛忍耐
huân-sū tio̍h-ài jím-nāi
毋通閣再遐爾仔衝碰
m̄-thang koh-tsài hiah-nī-á tshiong-pōng
感謝你
kám-siā lí
一直陪我食苦
it-ti̍t puê guá tsia̍h-khóo
我嘛會行出家己的路
guá mā ē kiânn tshut ka-kī ê lōo
平安健康又快樂
pîng-an kiān-khong iū khuài-lo̍k
就是上好的結局
tiō-sī siōng-hó ê kiat-kio̍k
因為好人
in-uī hó-lâng
絕對愛有好報
tsua̍t-tuì ài ū hó-pò
