思念
《思念》Su-liām
高瑞屏Ko Suī-pîng
——————————————
離別後
lî-pia̍t āu
全無回音
tsuân bô huê-im
深深思念你
tshim-tshim su-liām lí
明知你飄浪個性
bîng-tsai lí phiau-lōng kò-sìng
怎會想袂開
tsuánn ē siūnn buē-khui
多情的多情的
to-tsîng–ê to-tsîng–ê
多情的放袂離
to-tsîng–ê pàng buē-lī
怨恨你全無講明
uàn-hūn lí tsuân bô kóng-bîng
恬恬來離開
tiām-tiām lâi lī-khui
感情路揣無伴侶
kám-tsîng lōo tshuē-bô phuānn-lī
茫茫毋知去佗位
bâng-bâng m̄-tsai khì tó-uī
陣陣風陪伴落雨
tsūn-tsūn hong puê-phuānn lo̍h-hōo
引阮心悲意
ín gún sim pi-ì
難忘的山盟海誓
lân-bōng ê san-bîng hái-sè
猶原在心內
iu-guân tsāi sim-lāi
一聲聲一聲聲
tsi̍t-siann-siann tsi̍t-siann-siann
擾亂阮心頭煩
jiáu-luān gún sim-thâu huân
付出的真情對待
hù-tshut ê tsin-tsîng tuì-thāi
等無你的愛
tán-bô lí ê ài
感情路揣無伴侶
kám-tsîng lōo tshuē-bô phuānn-lī
茫茫毋知去佗位
bâng-bâng m̄-tsai khì tó-uī
—
啊~深深思念你
ah~ tshim-tshim su-liām lí
深深思念你
tshim-tshim su-liām lí
一暝一暝思念你
tsi̍t-mî tsi̍t-mî su-liām lí
感情路揣無伴侶
kám-tsîng lōo tshuē-bô phuānn-lī
茫茫毋知對佗位去
bâng-bâng m̄-tsai tuì tó-uī khì
