劫
《劫》Kiap
張三李四樂團Tiunn-sam Lí-sù Ga̍k-thuân
曹雅雯Tsô Ngá-bûn
——————————————
彼工舊曆七月初七
hit-kang kū-li̍k tshit-gue̍h tshe-tshit
拄好伊有排著放假
tú-hó i ū pâi tio̍h pàng-ká
拍一張思念的車票
phah tsi̍t-tiunn su-liām ê tshia-phiò
欲轉去看伊的某囝
beh tńg-khì khuànn i ê bóo-kiánn
自從兩人結婚到今
tsū-tsiông nn̄g-lâng kiat-hun kàu-tann
伊就因為任務出外
i tiō in-uī jīm-bū tshut-guā
親像牛郎織女
tshin-tshiūnn Gû-nn̂g Tsit-lú
毋是逐工做伴
m̄-sī ta̍k-kang tshuè-phuānn
最近外面傳來風聲
tsuè-kīn guā-bīn thuân-lâi hong-siann
歹人欲挃伊的性命
pháinn-lâng beh ti̍h i ê sìnn-miā
驚會拖累厝內大細
kiann ē thua-luī tshù-lāi tuā-sè
毋敢通知予怹知影
m̄-kánn thong-ti hōo in tsai-iánn
只好覕踮廟口偷看
tsí-hó bih tiàm biō-kháu thau-khuànn
偷看怹某去拜娘媽
thau-khuànn in bóo khì pài niû-má
誰知囡仔一下越頭
siáng tsai gín-á tsi̍t-ē ua̍t-thâu
雄雄叫一聲阿爸
hiông-hiông kiò tsi̍t-siann a-pah
人生啊人生
jîn-sing–ah jîn-sing
運命啊運命
ūn-miā–ah ūn-miā
天公伯仔
thinn-kong-peh–á
到底是為按怎
tàu-té sī uī-án-tsuánn
隔轉工新聞報真大
keh-tńg-kang sin-bûn pò tsin tuā
一聲阿爸
tsi̍t-siann a-pa
斷送怹某囝性命
tn̄g-sàng in bóo-kiánn sìnn-miā
僥倖喔僥倖
hiau-hīng–ooh hiau-hīng
心疼啊心疼
sim thiànn–ah sim thiànn
天公伯仔
thinn-kong-peh–á
敢正經有咧看
kám tsìng-king ū leh khuànn
我看伊的身軀
guá khuànn i ê sin-khu
猶閣咧行
iáu-koh leh kiânn
但是靈魂
tān-sī lîng-hûn
早已經落車
tsá í-king lo̍h-tshia
↓↓(RAP)—(RAP)↓↓
彼工新曆八月初八
hit-kang sin-li̍k peh-gue̍h tshe-peh
伊捾燒酒來到墓地
i kuānn sio-tsiú lâi-kàu bōng-tē
避開清明掃墓的人
phiah-khui tshing-bîng sàu-bōng ê lâng
專工來拜伊的老爸
tsuan-kang lâi pài i ê lāu-pē
會記得彼年的父親節
ē-kì-tit hit-nî ê hū-tshin-tsiat
頂面敲來一通電話
tíng-bīn khà lâi tsi̍t-thong tiān-uē
叫怹阿爸去掠歹人
kiò in a-pah khì lia̍h pháinn-lâng
誰知從此一去不回
siáng tsai tsiông-tshú tsi̍t-khì put-huê
伊的心疼如何體會
i ê sim-thiànn jû-hô thé-huē
伊的心願使人敬佩
i ê sim-guān sú-lâng kìng-puē
相信世間愛有烏白
siong-sìn sè-kan ài ū oo-pe̍h
決心綴伊的老爸
kuat-sim tuè i ê lāu-pē
歹人知影毋放伊過
pháinn-lâng tsai-iánn m̄ pàng i kuè
早就派人四界走揣
tsá tiō phài lâng sì-kè tsáu-tshuē
當伊捀杯敬怹老爸
tng i phâng pue kìng in lāu-pē
陣陣銃聲叫醒天地
tsūn-tsūn tshìng-siann kiò-tshínn thinn-tē
↑↑(RAP)—(RAP)↑↑
人生啊人生
jîn-sing–ah jîn-sing
運命啊運命
ūn-miā–ah ūn-miā
天公伯仔
thinn-kong-peh–á
到底是為按怎
tàu-té sī uī-án-tsuánn
↓↓(RAP)—(RAP)↓↓
隔轉工的新聞
keh-tńg-kang ê sin-bûn
報真大
pò tsin tuā
真大
tsin tuā
一粒銃子
tsi̍t-lia̍p tshìng-tsí
結束了伊的性命
kiat-sok liáu i ê sìnn-miā
↑↑(RAP)—(RAP)↑↑
僥倖喔僥倖
hiau-hīng–ooh hiau-hīng
心疼啊心疼
sim thiànn–ah sim thiànn
天公伯仔
thinn-kong-peh–á
敢正經有咧看
kám tsìng-king ū teh khuànn
↓↓(RAP)—(RAP)↓↓
我看伊的身軀
guá khuànn i ê sin-khu
倒踮佇遐
tó tiàm tī hia
但是靈魂
tān-sī lîng-hûn
閣咧佮歹人捙拚
koh leh kah pháinn-lâng tshia-piànn
↑↑(RAP)—(RAP)↑↑
↓↓(RAP)—(RAP)↓↓
彼工正是九月初九
hit-kang tsiànn-sī káu-gue̍h tshe-káu
一座靈堂設佇怹兜
tsi̍t-tsō lîng-tn̂g siat tī in tau
相片的人真正緣投
siòng-phìnn ê lâng tsin-tsiànn iân-tâu
一別千古告別今朝
it-pa̍t tshian-kóo kò-pia̍t kim-tiau
經文那唸哀樂那奏
king-bûn ná liām ai-ga̍k ná tsàu
拈香的人目屎那流
liam-hiunn ê lâng ba̍k-sái ná lâu
禮生引導禮成以後
lé-sing ín-tō lé-sîng í-āu
大厝就欲離開怹兜
tuā-tshù tiō beh lī-khui in tau
伊的老母已經年老
i ê lāu-bú í-king nî-lāu
一支枴仔那摃那吼
tsi̍t-ki kuái-á ná kòng ná háu
我的心肝仔你真不孝
guá ê sim-kuann-á lí tsin put-hàu
我猶未死你就先走
guá iáu-buē sí lí tō sing tsáu
陣陣鼓吹沿路?頭
tsūn-tsūn kóo-tshue iân-lōo tshuā-thâu
長長的路叫誰捀斗
tn̂g-tn̂g ê lōo kiò siáng phâng-táu
英年早失音容渺渺
ing-liân tsá-sit im-iông biáu-biáu
一步一步送上山頭
tsi̍t-pōo-tsi̍t-pōo sàng-tsiūnn suann-thâu
↑↑(RAP)—(RAP)↑↑
人生啊人生
jîn-sing–ah jîn-sing
運命啊運命
ūn-miā–ah ūn-miā
天公伯仔
thinn-kong-peh–á
到底是為按怎
tàu-té sī uī-án-tsuánn
↓↓(RAP)—(RAP)↓↓
隔轉工新聞並無寫
keh-tńg-kang sin-bûn pīng bô siá
一个英雄
tsi̍t-ê ing-hiông
犧牲了伊的性命
hi-sing liáu i ê sìnn-miā
↑↑(RAP)—(RAP)↑↑
僥倖喔僥倖
hiau-hīng–ooh hiau-hīng
心疼啊心疼
sim thiànn–ah sim thiànn
天公伯仔
thinn-kong-peh–á
你若有靈有聖
lí nā ū-lîng ū-siànn
請你講予我聽
tshiánn lí kóng hōo guá thiann
你講予我聽
lí kóng hōo guá thiann
烏白是非
oo-pe̍h sī-hui
到底欲叫誰審判
tàu-té beh kiò siáng sím-phuànn
正義兩字
tsìng-gī nn̄g-jī
到底欲按怎寫
tàu-té beh án-tsuánn siá
