萬興媽祖
《萬興媽祖》Bān-hing Má-tsóo
翁鈺鈞Ang Gio̍k-kun
——————————————
雍正癸丑年
Iong-tsìng kuí-thiú nî
通事張達京
thong-sū Tiunn Ta̍t-king
史冊證功績
sú-tshik tsìng kong-tsik
恭請三媽臨
kiong-tshiánn Sann-Má lîm
聖母自湄洲
Sìng-bió tsū Bî-tsiu
分靈十二聖
hun-lîng si̍p-jī Sìng
奉祀瓦窯跤
hōng-sāi uá-iô kha
居坐萬興莊
ki-tsō Bān-hing-tsng
鳳冠端坐玉顏祥
hōng-kuan tuan-tsō gio̍k-gân siông
心懷蒼生引迷途
sim huâi tshong-sing ín bê-tôo
三轉四建八通風
sam-tsuán sù-kiàn pat-thong hong
寰宇古今佑十方
huân-ú kóo-kim iū si̍p-hong
皇威特封長生祿
hông-ui ti̍k hong tiông-sing lo̍k
道光年間古香爐
Tō-kong-nî kan kóo hiunn-lôo
湄洲開源浩恩蕩
Bî-tsiu khai-guân hō-un tōng
遍佈分靈照華光
phiàn-pòo hun-lîng tsiò huâ-kong
遶境賜福拓四荒
jiàu-king sù-hok thok sù-hong
神岡社口萬興宮
Sîn-kóng Siā-kháu Bān-hing-kiong
