懷念的笑容
《懷念的笑容》Huâi-liām ê Tshiò-iông
容兒
——————————————
心愛的迷人可愛的笑容
sim-ài ê bê-lâng khó-ài ê tshiò-iông
予阮不時咧懷念
hōo gún put-sî teh huâi-liām
為你相思
uī lí siunn-si
我可比紅花
guá khó-pí âng-hue
你親像綠葉
lí tshin-tshiūnn li̍k-hio̍h
永遠欲佮你伴相隨
íng-uán beh kah lí phuānn-sio-suî
自從你來離開
tsū-tsiông lí lâi lī-khui
放阮孤單心稀微
pàng gún koo-tuann sim hi-bî
每日心肝
muí-ji̍t sim-kuann
敢若親像針咧揻
kánn-ná tshin-tshiūnn tsiam teh ui
心愛的
sim-ài–ê
思念你
su-liām lí
無論日抑暝
bô-lūn ji̍t ia̍h mî
過一日親像過一年
kuè tsi̍t-ji̍t tshin-tshiūnn kuè tsi̍t-nî
啊~我咧等待你
ah~ guá teh tán-thāi lí
希望你倒轉來阮身邊
hi-bāng lí tò-tńg-lâi gún sin-pinn
