霧夜船燈
《霧夜船燈》Bū-iā Tsûn-ting
林玉峰 Lîm Gio̍k-hong
——————————————
夜霧罩真厚
iā bū tà tsin kāu
難忘的暗暝
lân-bōng ê àm-mî
陪伴彼个人
puê-phuānn hit ê lâng
散步港岸邊
sàn-pōo káng-huānn pinn
宛然同情著
uán-jiân tông-tsîng tio̍h
兩人欲分離
nn̄g-lâng bueh hun-lî
海面的火船螺
hái-bīn ê hué-tsûn lê
聲音帶悲哀
siann-im tài pi-ai
孤單踮海墘
koo-tuann tiàm hái-kînn
懷念到深更
huâi-liām kàu tshim-kinn
啥人彈吉他
siánn-lâng tuânn gì-tah
催阮珠淚滴
tshui gún tsu-luī tih
聲聲叫阮
siann-siann kiò gún
著忍耐心稀微
tio̍h jím-nāi sim hi-bî
也毋知伊心肝
iā m̄-tsai i sim-kuann
到底想啥物
tàu-tué siūnn siánn-mih
夜霧罩真厚
iā-bū tà tsin kāu
宛然像彼暝
uán-jiân tshiūnn hit-mî
擔憂伊一人
tam-iu i tsi̍t-lâng
無在阮身邊
bô tsāi gún sin-pinn
船燈怨嘆著
tsûn-ting uàn-thàn tio̍h
海風冷吱吱
hái-hong líng-ki-ki
好親像男兒的
hó tshin-tshiūnn lâm-jî ê
痛苦的心理
thòng-khóo ê sim-lí
