菜鳥仔兵
《菜鳥仔兵》Tshài-tsiáu-á Ping
易天晴Ia̍h Thian-tsîng
——————————————
你講欲等我做兵倒轉來
lí kóng beh tán guá tsò-ping tò-tńg–lâi
彼時你是妖嬌佮司奶
hit-sî lí sī iau-kiau kah sai-nai
害我對你付出純純的愛
hāi guá tuì lí hù-tshut sûn-sûn ê ài
為何面會你無來
uī-hô biān-huē lí bô lâi
敢講剃頭你就嫌我䆀
kám-kóng thì-thâu lí tō hiâm guá bái
抑是恁爸恁母仔來阻礙
a̍h-sī lín pâ–á lín bú–á lâi tsóo-gāi
仝梯怹姼仔
kāng-the in tshit-á
面會攏有來
biān-huē lóng ū lâi
放我軍中失戀不應該
pàng guá kun-tiong sit-luân put-ing-kai
你講恁爸仔選囝婿
lí kóng lín pâ–á suán kiánn-sài
我是一定排在內
guá sī it-tīng pâi tsāi-lāi
如今軍中失戀三禮拜
jû-kim kun-tiong sit-luân sann lé-pài
連長罵我頭殼歹
liân-tiúnn mā guá thâu-khak pháinn
你講欲等我做兵倒轉來
lí kóng beh tán guá tsò-ping tò-tńg–lâi
彼時你是妖嬌佮司奶
hit-sî lí sī iau-kiau kah sai-nai
害我對你付出全部的愛
hāi guá tuì lí hù-tshut tsuân-pōo ê ài
為何面會煞無來
uī-hô biān-huē suah bô lâi
—
原來你爸仔選囝婿
guân-lâi lí pâ–á suán kiánn-sài
大肚仔頭家排在內
tuā-tōo-á thâu-ke pâi tsāi-lāi
如今你貪著賓士通好駛
jû-kim lí tham-tio̍h bèn-juh thang-hó sái
嫁予大肚仔做太太
kè hōo tuā-tōo-á tsò thài-thài
你講欲等我做兵倒轉來
lí kóng beh tán guá tsuè-ping tò-tńg–lâi
放我軍中失戀倒頭栽
pàng guá kun-tiong sit-luân tò-thâu-tsai
連長叫我勇敢頭擔起來
liân-tiúnn kiò guá ióng-kám thâu tann–khí-lâi
退伍娶一个媠某的做太太
thè-ngóo tshuā tsi̍t-ê suí bóo–ê tsò thài-thài
