痛改前非
《痛改前非》Thòng-kái Tsiân-hui
林玉峰 Lîm Gio̍k-hong
——————————————
過去的我太糊塗
kuè-khì ê guá thài hôo-tôo
人情義理全無顧
jîn-tsîng gī-lí tsuân bô-kòo
一切行為真怐怐
it-tshè hîng-uî tsin khòo-khòo
予人罵我是惡魔
hōo-lâng mā guá sī ok-môo
世事如棋變化多
sè-sū jû-kî piàn-huà to
踏錯一步來墜落
ta̍h-tshò tsi̍t-pōo lâi tuī-lo̍h
不時佮人動干戈
put-sî kah lâng tāng-kan-ko
今日才知我毋好
kim-ji̍t tsiah tsai guá m̄-hó
堂堂一个男子漢
tông-tông tsi̍t-ê lâm-tsú-hàn
最驚予人看無重
tsuè-kiann hōo-lâng khuànn bô-tāng
為欲達成阮希望
uī beh ta̍t-sîng gún hi-bāng
應該重新來做人
ing-kai tiông-sin lâi tsuè-lâng
