想起你
《想起你》Siūnn-khí Lí
王建傑Ông Kiàn-kia̍t
——————————————
你慢慢講起
lí bān-bān kóng-khí
彼段心碎的過去
hit tuānn sim-tshuì ê kuè-khì
當初心愛彼个人
tong-tshoo sim-ài hit ê lâng
只有予你心頭亂
tsí-ū hōo lí sim-thâu luān
滿面的珠淚
muá-bīn ê tsu-luī
表明了你的心碎
piáu-bîng liáu lí ê sim tshuì
後悔當初
hiō-hué tong-tshoo
哪會離開我的身邊
ná ē lī-khui guá ê sin-pinn
引我也來想起
ín guá iā lâi siūnn-khí
被彼段空虛的日子
pī hit tuānn khang-hi ê ji̍t-tsí
夜夜夢中叫著你
iā-iā bāng-tiong kiò tio̍h lí
日日含淚來清醒
ji̍t-ji̍t hâm-luī lâi tshing-tshínn
時時提醒自己
sî-sî thê-tshínn tsū-kí
毋通閣想你
m̄-thang koh siūnn lí
但每到夜深更深時
tān muí kàu iā-tshim kinn-tshim sî
情不自禁就想起
tsîng put-tsū kìm tiō siūnn-khí
再次的相會
tsài-tshù ê siong-huē
猶原深深愛著你
iu-guân tshim-tshim ài-tio̍h lí
看你如今不如意
khuànn lí jû-kim put-jû-ì
心疼你風雨花蕊
sim thiànn lí hong-hōo hue-luí
真心希望你
tsin-sim hi-bāng lí
轉來我的身邊
tńg-lâi guá ê sin-pinn
今生今世
kim-sing kim-sè
你的心疼
lí ê sim-thiànn
免再提起
bián tsài thê-khí
