想有啥路用
《想有啥路用》Siūnn Ū Siánn Lōo-iōng
林玉峰 Lîm Gio̍k-hong
——————————————
路燈照著阮一人
lōo-ting tsiò tio̍h gún tsi̍t-lâng
頭殼犁犁心茫茫
thâu-khak luê-luê sim bâng-bâng
夜風吹來真冷淡
iā-hong tshe–lâi tsin líng-tām
也無同情阮苦痛
iā bô tông-tsîng gún khóo-thàng
啊~怨嘆已經無彩工
ah~ uàn-thàn í-king bô-tshái-kang
月照惜別沙崙頭
ge̍h tsiò sioh-pia̍t sua-lūn thâu
看著妹妹目屎流
khuànn-tio̍h muē-muē ba̍k-sái lâu
阮也一時強欲哭
gún iā tsi̍t-sî kiōng-bueh khàu
枉費初戀情意厚
óng-huì tshoo-luân tsîng-ì kāu
啊~想著心肝亂操操
ah~ siūnn-tio̍h sim-kuann luān-tshau-tshau
哀怨音樂動人耳
ai-uàn im-ga̍k tōng jîn hīnn
想欲催阮珠淚滴
siūnn-beh tshui gún tsu-luī tih
經過三年的代誌
king-kuè sann-nî ê tāi-tsì
何必為伊抱情義
hô-pit uī i phāu tsîng-gī
啊~何時了結心空虛
ah~ hô-sî liáu-kiat sim khang-hi
