路是自己拚出來
《路是自己拚出來》Lōo Sī Tsū-kí Piànn–tshut-lâi
李芊慧Lí Tshian-huī
——————————————
怨嘆一切無路用
uàn-thàn it-tshè bô-lōo-īng
命運毋是天註定
miā-ūn m̄-sī thinn tsù-tiānn
愛靠雙手去拍拚
ài khò siang-tshiú khì phah-piànn
千萬毋通做歹囝
tshian-bān m̄-thang tsuè pháinn-kiánn
坎坷路途毋免驚
khám-khia̍t lōo-tôo m̄-bián kiann
毋管艱苦也著行
m̄-kuán kan-khóo iā tio̍h kiânn
好歹總是自己命
hó-pháinn tsóng-sī tsū-kí miā
風雨較大也著行
hong-hōo khah tuā iā tio̍h kiânn
無論無論怎坎坷
bô-lūn bô-lūn tsuánn khám-khia̍t
總是總是著愛行
tsóng-sī tsóng-sī tio̍h-ài kiânn
無拚哪會贏
bô piànn ná ē iânn
