無禁無忌食百二
《無禁無忌食百二》Bô-kìm-bô-khī Tsia̍h Pah-jī
李芊慧Lí Tshian-huī
——————————————
無禁無忌食百二
bô-kìm-bô-khī tsia̍h pah-jī
事事項項免掛意
sū-sū-hāng-hāng bián kuà-ì
病疼應該去求醫
pīnn-thiànn ing-kai khì kiû-i
毋通萬項依賴天
m̄-thang bān-hāng i-lāi thinn
平時認真做生理
pîng-sî jīn-tsin tsuè-sing-lí
若是欠用才有錢
nā-sī khiàm-iōng tsiah ū-tsînn
你若無做虧心代
lí nā bô tsò khui-sim tāi
免驚報應來相害
bián-kiann pò-ìng lâi sio-hāi
若有時常做好代
nā ū-sî-siông tsuè hó-tāi
勝過財產留後代
sìng-kue tsâi-sán lâu āu-tāi
厝宅免大也免媠
tshù-the̍h bián tuā iā bián suí
愛有衛生好空氣
ài ū uē-sing hó khong-khì
千金買厝
tshian-kim bué tshù
萬金買厝邊
bān kim bué tshù-pinn
安全第一
an-tsuân tē-it
就是好地理
tiō-sī hó tē-lí
