思慕
《思慕》Su-bōo
王智君Ông Tì-kun
——————————————
窗外有陣陣雨
thang-guā ū tsūn-tsūn hōo
阮的心有重重苦
gún ê sim ū tîng-tîng khóo
毋知何時會結束
m̄-tsai hô-sî ē kiat-sok
這款痴情的思慕
tsit khuán tshi-tsîng ê su-bōo
阮對你遮堅定
gún tuì lí tsiah kian-tīng
這个夢欲過一生
tsit ê bāng beh kuè it-sing
心內的愛毋捌停
sim-lāi ê ài m̄-bat thîng
望你珍惜這份情
bāng lí tin-sioh tsit hūn tsîng
阮的日記
gún ê ji̍t-kì
每頁攏有你的名字
muí-ia̍h lóng ū lí ê miâ-jī
句句攏是
kù-kù lóng-sī
對你期待佮愛意
tuì lí kî-thāi kah ài-ì
阮的心內
gún ê sim-lāi
每寸攏有真濟傷痕
muí-tshùn lóng ū tsin tsuē siong-hûn
一寸一寸
tsi̍t-tshùn-tsi̍t-tshùn
攏是想你的時陣
lóng-sī siūnn lí ê sî-tsūn
窗外有陣陣雨
thang-guā ū tsūn-tsūn hōo
阮的心有重重苦
gún ê sim ū tîng-tîng khóo
愛你敢講是錯誤
ài lí kám-kóng sī tshò-gōo
愛你敢講有幸福
ài lí kám-kóng ū hīng-hok
