快樂的司機
《快樂的司機》Khuài-lo̍k ê Su-ki
李芊慧Lí Tshian-huī
——————————————
毋管落雨抑好天
m̄-kuán lo̍h-hōo ia̍h hó-thinn
每日出門做生理
muí-ji̍t tshut-mn̂g tsuè-sing-lí
為欲趁著淡薄錢
uī beh thàn tio̍h tām-po̍h tsînn
大街小巷四界去
tuā-kue sió-hāng sì-kè khì
踮車內
tiàm tshia-lāi
雖然無啥趣味
sui-jiân bô-siánn tshù-bī
為生活
uī sing-ua̍h
抑是真不得已
ia̍h-sī tsin put-tik-í
我就是一个
guá tsiū-sī tsi̍t-ê
快樂的司機
khuài-lo̍k ê su-ki
自由自在過日子
tsū-iû tsū-tsāi kuè ji̍t-tsí
—
毋管小姐抑先生
m̄-kuán sió-tsiá ia̍h sian-sinn
阮攏對伊笑微微
gún lóng tuì i tshiò bî-bî
無論欲去佗一位
bô-lūn beh khì tó tsi̍t-uī
我都願意載你去
guá to guān-ì tsài lí khì
