熱情燒滾滾
《熱情燒滾滾》Jia̍t-tsîng Sio-kún-kún
王尚宏Ông Siōng-hông
——————————————
雙人約會在黃昏
siang-lâng iok-huē tsāi hông-hun
熱戀溫度到天光
jia̍t-luân un-tōo kàu thinn-kng
男男女女笑文文
lâm-lâm-lú-lú tshiò bûn-bûn
談情說愛趁青春
tâm-tsîng suat-ài thàn tshing-tshun
熱情燒滾滾
jia̍t-tsîng sio-kún-kún
熱度無分寸
jia̍t-tōo bô hun-tshùn
毋驚露水冷霜霜
m̄-kiann lōo-tsuí líng-sng-sng
熱情燒滾滾
jia̍t-tsîng sio-kún-kún
難捨又難分
lân-siá iū lân-hun
滿面春風像新婚
muá-bīn tshun-hong tshiūnn sin-hun
啊~天頂月娘攏無睏
ah~ thinn-tíng gue̍h-niû lóng bô khùn
伴咱一暝到天光
phuānn lán tsi̍t-mî kàu thinn-kng
情路有你永遠來陪伴
tsîng-lōo ū lí íng-uán lâi puê-phuānn
愛如流水
ài jû liû-suí
久久長長
kú-kú-tn̂g-tn̂g
