戀戀淡水線
《戀戀淡水線》Luân-luân Tām-tsuí-suànn
王江發Ông Kang-huat
——————————————
唱彼首舊情綿綿
tshiùnn hit siú Kū-tsîng Mî-mî
我為你思念日連暝
guá uī lí su-liām ji̍t liân-mî
想彼年來到淡水
siūnn hit-nî lâi-kàu Tām-tsuí
有一種甜蜜的滋味
ū tsi̍t-tsióng tinn-bi̍t ê tsu-bī
隨閃失
suî siám-sit
目一下?
ba̍k tsi̍t-ē nih
無緣的戀夢
bô-iân ê luân-bāng
空相思
khang siunn-si
想過去
siūnn kuè-khì
攏想著你
lóng siūnn-tio̍h lí
初戀的情景
tshoo-luân ê tsîng-kíng
遐爾仔媠
hiah-nī-á suí
無疑悟來離開
bô-gî-gōo lâi lī-khui
無緣故斷情絲
bô iân-kòo tuān tsîng-si
苦澀酸甘鹹甜
khóo-siap sng-kam kiâm-tinn
愛情六味
ài-tsîng lio̍k-bī
搧海風看景緻
sàm hái-hong khuànn kíng-tì
愛食物做陣去
ài tsia̍h mi̍h tsuè-tīn khì
魚丸湯á-geh麻糍
hî-uân-thng á-geh muâ-tsî
戀戀的淡水線
luân-luân ê Tām-tsuí-suànn
一逝來一逝去
tsi̍t-tsuā lâi tsi̍t-tsuā khì
到今仔日
kàu kin-á-ji̍t
猶未覺醒
iáu-buē kak-tshínn
—
淡水河畔來分開
Tām-tsuí-hô puānn lâi hun-khui
淡水河邊心空虛
Tām-tsuí-hô pinn sim khang-hi
淡水線斷情絲
Tām-tsuí-suànn tuān tsîng-si
愛情六味
ài-tsîng lio̍k-bī
淡水予陪阮滴淚
Tām-tsuí hōo puê gún tih luī
淡水風陪阮吐氣
Tām-tsuí hong puê gún thóo-khuì
淡水情摻著六味
Tām-tsuí tsîng tsham tio̍h lio̍k-bī
淡水線來來去去
Tām-tsuí-suànn lâi-lâi-khì-khì
淡水河漂來溢去
Tām-tsuí-hô phiau-lâi-ik-khì
淡水線暗相思喔
Tām-tsuí-suànn àm siunn-si–ooh
