光明人生路
《光明人生路》Kong-bîng Jîn-sing Lōo
丁華Ting Huâ
——————————————
光明人生
kong-bîng jîn-sing
路光明
lōo kong-bîng
–
行在人生的路途
kiânn tsāi jîn-sing ê lōo-tôo
愛選擇正確的路
ài suán-ti̍k tsìng-khak ê lōo
愛提出著勇氣
ài the̍h tshut tio̍h ióng-khì
創造光明前途
tshòng-tsō kong-bîng tsiân-tôo
毋管是拄著風雨
m̄-kuán sī tú-tio̍h hong-hōo
也著忍艱苦
iā tio̍h jím kan-khóo
獻出愛心
hiàn tshut ài-sim
處處為人來照顧
tshù-tshù uī lâng lâi tsiàu-kòo
好比霧夜的燈塔
hó-pí bū-iā ê ting-thah
為人照好路
uī lâng tsiò hó-lōo
行在人生的旅程
kiânn tsāi jîn-sing ê lú-thîng
意志愛堅定
ì-tsì ài kian-tīng
愛努力愛奮鬥
ài lóo-li̍k ài hùn-tàu
才有光明前程
tsiah ū kong-bîng tsiân-tîng
無論是百般艱難
bô-lūn sī pah-puann kan-lân
也著愛適應
iā tio̍h-ài sik-ìng
溫暖人間
un-luán jîn-kan
處處充滿著恩情
tshù-tshù tshiong-buán tio̍h un-tsîng
好比夜半的路燈
hó-pí iā-puànn ê lōo-ting
為人照光明
uī lâng tsiò kong-bîng