真愛無後悔
《真愛無後悔》Tsin-ài Bô Hiō-hué
呂秋霓Lī Tshiu-gê
——————————————
往事放伊隨風飛
óng-sū pàng i suî hong pue
人生難得有幾回
jîn-sing lân-tit ū kuí-huê
莫名姻緣來相揣
bo̍k-bîng in-iân lâi sio-tshuē
上天安排咱做伙
siōng-thian an-pâi lán tsuè-hué
日子一工一工過
ji̍t-tsí tsi̍t-kang-tsi̍t-kang kuè
感情加溫像熱火
kám-tsîng ka-un tshiūnn jia̍t-hué
每日愛聽你
muí-ji̍t ài thiann lí
情話講真濟
tsîng-uē kóng tsin tsuē
毋驚愛你
m̄-kiann ài lí
愛甲傷超過
ài kah siunn tshiau-kuè
只要你定定來相陪
tsí-iàu lí tiānn-tiānn lâi sio-puê
糖甘蜜甜真痴迷
thn̂g-kam bi̍t-tinn tsin tshi-bê
世間只有你一个
sè-kan tsí-ū lí tsi̍t-ê
值得阮真心相愛
ta̍t-tit gún tsin-sim siong-ài
無後悔
bô hiō-hué
