樂暢的人生
《樂暢的人生》Lo̍k-thiòng ê Jîn-sing
呂秋霓Lī Tshiu-gê
——————————————
人生短短著愛想
jîn-sing té-té tio̍h-ài siūnn
需要保健來加強
su-iàu pó-kiān lâi ka-kiông
健康生活有保障
kiān-khong sing-ua̍h ū pó-tsiong
一生幸福相分享
it-sing hīng-hok sio hun-hióng
衝衝衝
tshiong tshiong tshiong
樂暢樂暢的人生
lo̍k-thiòng-lo̍k-thiòng ê jîn-sing
衝衝衝
tshiong tshiong tshiong
樂暢樂暢的人生
lo̍k-thiòng-lo̍k-thiòng ê jîn-sing
只要你
tsí-iàu lí
心情輕鬆有笑容
sim-tsîng khin-sang ū tshiò-iông
啥物款的壓力
siánn-mih khuán ê ap-li̍k
攏袂來傷
lóng buē lâi siong
骨力運動
kut-la̍t ūn-tōng
予咱真正健康
hōo lán tsin-tsiànn kiān-khong
成就無所不至的萬事通
sîng-tsiū bû-sóo-put-tsì ê bān-sū thong
精氣神若真清爽
tsing-khì-sîn nā tsin tshing-sóng
愛心服務人群中
ài-sim ho̍k-bū jîn-kûn tiong
志工付出毋是戇
tsì-kang hù-tshut m̄-sī gōng
健康快樂你上勇
kiān-khong khuài-lo̍k lí siōng ióng
親近自然是平常
tshin-kīn tsū-jiân sī pîng-siông
斟酌各人的食量
tsim-tsiok kok-lâng ê tsia̍h-liong
睏眠品質愛注重
khùn-bîn phín-tsit ài tsù-tiōng
何必操煩受影響
hô-pit tshau-huân siū íng-hióng
