心內話無地講
《心內話無地講》Sim-lāi uē Bô-tè Kóng
李佳宜Lí Ka-gî
——————————————
綿綿小雨半天飛
mî-mî sió-hōo puànn-thinn pue
沃澹純情孤戀花
ak-tâm sûn-tsîng koo-luân hue
看人相愛談情話
khuànn lâng siong-ài tâm tsîng-uē
阮是無伴一个
gún sī bô-phuānn tsi̍t-ê
明知咱袂當做伙
bîng-tsai lán buē-tàng tsuè-hué
偏偏為你痴迷
phian-phian uī lí tshi-bê
無怪你對阮無坦白
bô kuài lí tuì gún bô thán-pe̍h
怪我感情放傷濟
kuài guá kám-tsîng pàng siunn tuē
啊~雨中花
ah~ hōo-tiong hue
等夢醒才反悔
tán bāng tshínn tsiah huán-hué
人食閒米講閒話
lâng tsia̍h îng-bí kóng îng-uē
講咱兩人有交陪
kóng lán nn̄g-lâng ū kau-puê
此去因緣無相配
tshú-khì in-iân bô sio-phuè
親像犀牛望月
tshin-tshiūnn sai-gû bāng-ge̍h
過去咱當做兄妹
kuè-khì lán tòng-tsuè hiann-muē
偏偏意亂情迷
phian-phian ì luān tsîng bê
別人若問
pa̍t-lâng nā mn̄g
咱啥關係
lán siánn kuan-hē
無話通好共伊回
bô uē thang-hó kā-i huê
啊~純情花
ah~ sûn-tsîng hue
心內話無地說
sim-lāi uē bô-tè sueh
