現代少女
《現代少女》Hiān-tāi Siàu-lú
李愛綺Lí Ài-khí(李嘉Lí Ka)
——————————————
以前所講的代誌
í-tsîng sóo kóng ê tāi-tsì
伊攏全部放袂記
i lóng tsuân-pōo pàng-buē-kì
咱若欲對伊來表示
lán nā beh tuì i lâi piáu-sī
伊就假仙來佯生
i tiō ké-sian lâi tìnn-tshinn
親像這款的愛情
tshin-tshiūnn tsit khuán ê ài-tsîng
阮哪袂來早覺醒
gún ná buē lâi tsá kak-tshínn
既然伊對咱無重視
kì-jiân i tuì lán bô tiōng-sī
應該冗早放伊去
ing-kai liōng-tsá pàng i khì
現代少女
hiān-tāi siàu-lú
著愛更加有志氣
tio̍h-ài kìng-ka ū tsì-khì
咱的戀歌
lán ê luân-kua
也免著目屎這兩字
iā bián tio̍h ba̍k-sái tsit nn̄g-jī
該當若是咱的
kai-tong nā-sī lán ê
走嘛走袂去
tsáu mā tsáu buē-khì
毋是咱的
m̄-sī lán ê
強求嘛無趣味
kiông-kiû mā bô tshù-bī
