為我破心肝
《為我破心肝》Uī Guá Phuà Sim-kuann
李愛綺Lí Ài-khí(李嘉Lí Ka)
——————————————
有真濟人愛我
ū tsin tsuē lâng ài guá
但是我猶原孤單
tān-sī guá iu-guân koo-tuann
我親像人徛佇高山
guá tshin-tshiūnn lâng khiā tī ko-suann
快樂悲傷無人知影
khuài-lo̍k pi-siong bô-lâng tsai-iánn
心內的歌
sim-lāi ê kua
揣無人來聽
tshuē-bô lâng lâi thiann
愛我的人
ài guá ê lâng
你若用心聽
lí nā iōng-sim thiann
查某人的心肝
tsa-bóo-lâng ê sim-kuann
一愛就袂來變卦
tsi̍t-ài tiō buē lâi piàn-kuà
你會當為我破心肝
lí ē-tàng uī guá phuà sim-kuann
愛甲勝過性命
ài kah sìng-kuè sìnn-miā
是毋是愛我
sī-m̄-sī ài guá
只有天知影
tsí-ū thinn tsai-iánn
你講毋管
lí kóng m̄-kuán
石會爛
tsio̍h ē nuā
海會焦
hái ē ta
永遠會佇身邊陪我
íng-uán ē tī sin-pinn puê guá
當做我三歲囡仔
tòng-tsuè guá sann-huè gín-á
彼種無聊的咒誓
hit tsióng bô-liâu ê tsiù-tsuā
毋通來煩我
m̄-thang lâi huân guá
