老曲盤
《老曲盤》Lāu Khik-puânn
陳怡婷Tân Î-tîng
——————————————
Radio播送咱的歌
lā-jí-iooh pòo-sàng lán ê kua
想起有你
siūnn-khí ū lí
輕輕和的聲
khin-khin hô ê siann
舊式老曲盤
kū-sik lāu khik-puânn
敢猶一直唱袂煞
kám iáu it-ti̍t tshiùnn buē-suah
你毋知影
lí m̄ tsai-iánn
我有偌思念啊
guá ū guā su-liām–ah
Radio點唱咱的歌
lā-jí-iooh tiám-tshiùnn lán ê kua
無人會當
bô-lâng ē-tàng
唱出阮心情
tshiùnn-tshut gún sim-tsiânn
冷冷的陪伴
líng-líng ê puê-phuānn
毋免閣再繼續搬
m̄-bián koh-tsài kè-sio̍k puann
歌詞中的主角
kua-sû tiong ê tsú-kak
就是你我
tiō-sī lí guá
原來祈求來的愛
guân-lâi kî-kiû lâi ê ài
是種折磨
sī tsióng tsiat-buâ
你無需要閣講
lí bô su-iàu koh kóng
無你日子怎樣活
bô lí ji̍t-tsí tsuánn-iūnn ua̍h
勇敢流著歡喜目屎
ióng-kám lâu tio̍h huann-hí ba̍k-sái
毋免越頭去看
m̄-bián ua̍t-thâu khì khuànn
未來感情路
bī-lâi kám-tsîng lōo
只有堅強陪阮行
tsí-ū kian-kiông puê gún kiânn
