叫我怎樣來掰會
《叫我怎樣來掰會》Kiò Guá Tsuánn-iūnn Lâi Pué-huē
蘇錦煌Soo Kím-hông
——————————————
上北的夜快車
tsiūnn-pak ê iā-khuài-tshia
漸漸欲起行
tsiām-tsiām beh khí-kiânn
為著前途事業拍拚
uī-tio̍h tsiân-tôo sū-gia̍p phah-piànn
恬恬毋敢哭出聲
tiām-tiām m̄-kánn khàu tshut-siann
一步一步行
tsi̍t-pōo-tsi̍t-pōo kiânn
啊~心肝陣陣疼
ah~ sim-kuann tsūn-tsūn thiànn
啥人會來安慰我
siánn-lâng ē lâi an-uì guá
心愛的
sim-ài–ê
請你了解
tshiánn lí liáu-kái
男兒的心情
lâm-jî ê sim-tsiânn
期待著早日
kî-thāi tio̍h tsá-ji̍t
成功好名聲
sîng-kong hó miâ-siann
轉去共你惜命命
tńg-khì kā lí sioh-miā-miā
異鄉的霜風吹
ī-hiong ê sng-hong tshue
鑽入心肝底
tsǹg-ji̍p sim-kuann-té
為著環境生活問題
uī-tio̍h khuân-kíng sing-ua̍h būn-tê
恬恬離開心愛的
tiām-tiām lī-khui sim-ài–ê
一步一步行啊
tsi̍t-pōo-tsi̍t-pōo kiânn–ah
頭殼犁犁
thâu-khak lê-lê
祝你幸福再會
tsiok lí hīng-hok tsài-huē
暫時來將你拋棄
tsiām-sî lâi tsiong lí phau-khì
請你莫難過
tshiánn lí mài lân-kuè
無疑悟
bô-gî-ngōo
事業未成
sū-gia̍p buē sîng
心怨慼
sim uàn-tsheh
叫我怎樣來掰會
kiò guá tsuánn-iūnn lâi pué-huē
