八月十五中秋暝
《八月十五中秋暝》Peh-gue̍h Tsa̍p-gōo Tiong-tshiu-mî
蘇錦煌Soo Kím-hông
——————————————
八月十五中秋暝
peh-gue̍h tsa̍p-gōo tiong-tshiu-mî
是咱難忘的日子
sī lán lân-bōng ê ji̍t-tsí
佮你熟似彼一年
kah lí si̍k-sāi hit tsi̍t-nî
三年前的中秋暝
sann-nî tsîng ê tiong-tshiu-mî
表明著你的過去
piáu-bîng tio̍h lí ê kuè-khì
愛情不如意
ài-tsîng put-jû-ì
感動著我的心意
kám-tōng tio̍h guá ê sim-ì
將你當做伴侶
tsiong lí tòng-tsuè phuānn-lī
轉眼間像一場戲
tsuán-gán-kan tshiūnn tsi̍t-tiûnn hì
你也已經來消失
lí iā í-king lâi siau-sit
純情的男兒
sûn-tsîng ê lâm-jî
予你來創治
hōo lí lâi tshòng-tī
叫我怎袂心傷悲
kiò guá tsuánn buē sim siong-pi
