蜉蝣
《蜉蝣》Hôo-iû
蔡佳瑩Tshuà Ka-îng
——————————————
秋日露初白
tshiu-ji̍t lōo tshoo pe̍h
枯葉周旋風徘徊
koo-hio̍h tsiu-suân hong pâi-huê
沃澹前途冷雨淚
ak-tâm tsiân-tôo líng-hōo luī
芳菲沉埋過
hong-hui tîm-bâi–kuè
寥寥幾句話
liâu-liâu kuí-kù uē
杳杳他鄉一張批
biáu-biáu thann-hiong tsi̍t-tiunn phue
天星不見的暗暝
thinn-tshinn put-kiàn ê àm-mê
獨自佮寂寞交杯
to̍k-tsū kah tsi̍k-bo̍k kau-pue
寄身蜉蝣於天地
kià sin hôo-iû î thinn-tē
忽而正如遠行客
hut-jî tsìng jû uán-hîng-kheh
滾滾紅塵滄海事
kún-kún hông-tîn tshong-hái sū
明日蝶愁誤黃花
bîng-ji̍t tia̍p tshiû ngōo n̂g-hue
寄身蜉蝣於天地
kià-sin hôo-iû î thinn-tē
人生遮爾長又短
jîn-sing tsiah-nī tn̂g iū té
回首千帆東流過
huê-siú tshian-huân tang-liû–kuè
萬幸曾有你相陪
bān-hīng tsan ū lí siong-puê
—
更殘無眠夜
kinn tsân bô-bîn iā
唯你的形影
uî lí ê hîng-iánn
是窗前不滅燈火
sī thang-tsîng put-bia̍t ting-hué
