認份來行
《認份來行》Jīn-hūn Lâi Kiânn
曾瑋中Tsan Uí-tiong/Kuljelje
——————————————
又是熟似夢境重搬
iū sī si̍k-sāi bāng-kíng tîng puann
醒來佇這个深夜
tshínn lâi tī tsit ê tshim-iā
外頭風聲猶原攪吵
guā-thâu hong-siann iu-guân kiáu-tshá
當做失眠陪伴
tòng-tsuè sit-bîn puê-phuānn
行過懸山
kiânn kuè kuân-suann
行過坑崁
kiânn kuè khenn-khàm
孤單也著行
koo-tuann iā tio̍h kiânn
當初講的話
tong-tshoo kóng ê uē
收踮心內底
siu tiàm sim-lāi-té
等待出頭的機會
tán-thāi tshut-thâu ê ki-huē
閒話遐爾濟
îng-uē hiah-nī tsuē
予人來看衰
hōo-lâng lâi khuànn-sue
嘛是加減會
mā sī ke-kiám ē
受傷無關係
siū-siong bô kuan-hē
就算講流血
tiō-sǹg-kóng lâu-hueh
空喙更加美麗
khang-tshuì kìng-ka bí-lē
親像時間開的花
tshin-tshiūnn sî-kan khui ê hue
怎樣坎坷辛苦的路
tsuánn-iūnn khám-khia̍t sin-khóo ê lōo
攏是家己的選擇
lóng-sī ka-kī ê suán-ti̍k
毋管運命按怎蹧躂
m̄-kuán ūn-miā án-tsuánn tsau-that
繼續認份來行
kè-sio̍k jīn-hūn lâi kiânn
行過光彩
kiânn kuè kong-tshái
行過烏暗
kiânn kuè oo-àm
一步一跤行
tsi̍t-pōo tsi̍t-kha kiânn
當初講的話
tong-tshoo kóng ê uē
收踮心內底
siu tiàm sim-lāi-té
等待出頭的機會
tán-thāi tshut-thâu ê ki-huē
閒話遐爾濟
îng-uē hiah-nī tsuē
予人來看衰
hōo-lâng lâi khuànn-sue
嘛是加減會
mā sī ke-kiám ē
受傷無關係
siū-siong bô kuan-hē
就算講流血
tiō-sǹg-kóng lâu-hueh
空喙更加美麗
khang-tshuì kìng-ka bí-lē
親像時間開的花
tshin-tshiūnn sî-kan khui ê hue
風停風吹
hong thîng hong tshue
毋是咱會當控制
m̄-sī lán ē-tàng khòng-tsè
笑笑接受挑戰
tshiò-tshiò tsiap-siū thiau-tsiàn
曾經講的話
tsan-king kóng ê uē
後悔幾若回
hiō-hué kuí-lō huê
每字每句變笑詼
muí-jī muí-kù piàn tshiò-khue
夢想賰偌濟
bāng-sióng tshun guā-tsuē
靠勢來討債
khò-sè lâi thó-tsè
青春已經過
tshing-tshun í-king kuè
狼狽無關係
liông-puē bô kuan-hē
就算會凝血
tiō-sǹg ē gîng-hueh
攏是一種體會
lóng-sī tsi̍t-tsióng thé-huē
等待時間開的花
tán-thāi sî-kan khui ê hue
等待時間開的花
tán-thāi sî-kan khui ê hue
