旺聲
《旺聲》āng-siann
施文彬 Si Bûn-pin
—————————————–
誰人擋佇時代的頭前
siánn-lâng tòng tī sî-tāi ê thâu-tsîng
動用一切阻止眠夢的聲音
tōng-iōng it-tshiat tsóo-tsí bîn-bāng ê siann-im
我問你敢有看見？
guá mn̄g lí kám ū khuànn-kìnn
已經袂當閣再等落去
í-king bē-tang koh-tsài tán- -lo̍h-khí
需要咱做陣用咱的熱情
su-iau lán tsò-tīn iōng lán ê jua̍h-tsîng
哦 改變咱的將來
ooh kái-piàn lán ê tsiong-lâi
我相信 咱才是 真正的主人
guá siōng-sìn lán tsiah-sī tsin-tsiànn ê tsú-lâng
哦 希望你佮我做伙拼
ooh hi-bāng lí kah guá tsò-hué-piànn
哦 因為有夢咱敢旺聲
ooh in-uī ū bāng lán kánn āng-siann
哦 毋管伊未來千變萬化
ooh m̄-kuán i bī-lâi tshian-piàn-bān-huà
只要你 只要我 心頭掠定
tsí-iau lí tsí-iau guá sim-thâu lia̍h tiānn
來唱著咱的歌
lâi tshiùnn-tio̍h lán ê kua
誰人徛佇時代的面前
siánn-lâng khiā-tī sî-tāi ê bīn tsîng
毋驚禁忌唱出夢中的風景
m̄-kiann kìm-khī tshiùnn tshut bāng tiong ê hong kíng
我問你敢無聽見？
guá mn̄g lí kám ū thiann kìnn
從來毋是別人的代誌
tsiông-lâi m̄-sī pa̍t-lâng ê tāi-tsì
需要咱家己用心來相伨
su-iau lán ka-kī iōng-sim lâi sio-thīn
哦 改變咱的將來
ooh kái-piàn lán ê tsiong-lâi
愛相信 咱才是 真正的主人
ài siōng-sìn lán tsiah-sī tsin-tsiànn ê tsú-lâng
哦 希望的火光一直湠
ooh hi-bāng ê hué-kng it-ti̍t thuànn
哦 因為有夢咱敢旺聲
ooh in-uī ū bāng lán kám āng-siann
哦 為這片土地繼續打拼
ooh uī tsit phìnn thóo-tè kè-sio̍k phah-piànn
毋驚風 毋驚雨 將咱的名
m̄-kiann hong m̄-kiann hōo tsiong lán ê miâ
來愈唱愈大聲
lâi lú tshiò lú tuā siann
美麗的新時代
bí-lē ê sin-sî-tāi
需要你我做伙拼
su-iau lí guá tsò-hué-piànn
毋驚風 毋驚雨 心頭掠定
m̄-kiann hong m̄-kiann hōo sim-thâu lia̍h-tiānn
咱的時代就欲來啦 咱愛繼續打拼
lán ê sî-tāi tō beh lâi lah lán ài kè-sio̍k phah-piànn
毋驚風 毋驚雨 將咱的名
m̄-kiann hong m̄-kiann hōo tsiong lán ê miâ
愈唱愈旺聲
lú tshiò lú āng-siann
