青樓紅淚
《青樓紅淚》Tshing-lâu Âng-luī
西卿Se-khing
——————————————
黃昏對鏡臺
hông-hun tuì kiànn-tâi
抹粉點胭脂
buah-hún tiám ian-tsi
一時又心憂悶
tsi̍t-sî iū sim iu-būn
珠淚掛目墘
tsu-luī kuà ba̍k-kînn
為著環境不得已
uī-tio̍h khuân-kíng put-tik-í
趁著這項錢
thàn tio̍h tsit hāng tsînn
希望郎君來原諒
hi-bāng lông-kun lâi guân-liōng
薄命的花枝
po̍k-bīng ê hue-ki
青紅燈閃爍
tshinn-âng-ting siám-sih
夜半的樓窗
iā-puànn ê lâu-thang
一身也嬌滴滴
tsi̍t-sin iā kiau-tih-tih
怎樣袂迷人
tsuánn-iūnn buē bê-lâng
獻出笑容等蝴蝶
hiàn-tshut tshiò-iông tán ôo-tia̍p
走入蜘蛛網
tsáu ji̍p ti-tu-bāng
只有月娘
tsí-ū ge̍h-niû
了解阮空虛的心房
liáu-kái gún khang-hi ê sim-pâng
夜風冷霜霜
iā-hong líng sng-sng
悽涼的深更
tshi-liâng ê tshim-kinn
一刻也攏無睏
tsi̍t-khik iā lóng bô-khùn
珠淚拭袂離
tsu-luī tshit buē-lī
滿腹真情
muá-pak tsin-tsîng
來待阮彼个好伴侶
lâi thāi gún hit ê hó phuānn-lī
踮在故鄉咧等待
tiàm-tsāi kòo-hiong teh tán-thāi
佮阮結情義
kah gún kiat tsîng-gī
