現代的英雄
《現代的英雄》Hiān-tāi ê Ing-hiông
白人豪Pe̍h Jîn-hô
——————————————
溫暖的太陽
un-luán ê thài-iông
照佇阮故鄉
tsiò tī gún kòo-hiong
愛在心中
ài tsāi sim-tiong
認真向前衝
jīn-tsin hiòng-tsiân tshiong
新希望
sin hi-bāng
新方向
sin hong-hiòng
時勢掌握中
sî-sè tsióng-ak tiong
前途是無可限量
tsiân-tôo sī bû-khó hān-liōng
展出著笑容
tián-tshut tio̍h tshiò-iông
熱情分享
jia̍t-tsîng hun-hióng
做一个現代的英雄
tsuè tsi̍t-ê hiān-tāi ê ing-hiông
毋驚風雨有偌強
m̄-kiann hong-hōo ū guā kiông
拍拚的力量
phah-piànn ê li̍k-liōng
神勇如龍
sîn-ióng jû liông
身心親像弓
sin-sim tshin-tshiūnn kiong
搝愈絚愈強
giú jú ân jú kiông
行向成功的道路上
kiânn hiòng sîng-kong ê tō-lōo siōng
一步一步踏予穩重
tsi̍t-pōo-tsi̍t-pōo ta̍h hōo ún-tiōng
完成欲愛的理想
uân-sîng beh-ài ê lí-sióng
