幸福港
《幸福港》Hīng-hok Káng
余秀娟Î Siù-kuan
——————————————
一領冷被單
tsi̍t-niá líng phuē-tuann
伴阮到暝半
phuānn gún kàu mî-puànn
雙人的床
siang-lâng ê tshn̂g
永遠冷一半
íng-uán líng tsi̍t-puànn
看人的身邊
khuànn lâng ê sin-pinn
攏有一个伴
lóng ū tsi̍t-ê phuānn
緣份無倚
iân-hūn bô uá
只有阮孤單
tsí-ū gún koo-tuann
性命的溫泉
sìnn-miā ê un-tsuânn
你佇佗位啦
lí tī tó-uī–lah
冷冷秋夜
líng-líng tshiu-iā
寒風割心肝
hân-hong kuah sim-kuann
一个人驚驚
tsi̍t-ê-lâng kiann-kiann
寂寞空照鏡
tsi̍k-bo̍k khang tsiò-kiànn
敢講媠人無媠命
kám-kóng suí-lâng bô suí-miā
感情一張帆
kám-tsîng tsi̍t-tiunn phâng
等無風啟航
tán-bô hong khé-hâng
何時駛向幸福港
hô-sî sái hiòng hīng-hok káng
情海霧茫茫
tsîng-hái bū bâng-bâng
真心誰稀罕
tsin-sim siáng hi-hán
海峽的南端
hái-kiap ê lâm-tuan
等一个有緣人
tán tsi̍t-ê ū-iân lâng
