荒城之月
《荒城之月》Hong-siânn tsi Gue̍h
李靜美Lí Tsīng-bí
——————————————
春天高樓賞月圓
tshun-thinn ko-lâu siúnn gue̍h-înn
百花滿山開
pah-hue muá-suann khui
做陣啉酒青春時
tsuè-tīn lim-tsiú tshing-tshun sî
形影結相隨
hîng-iánn kiat-siong-suî
南風微微對面吹
lâm-hong bî-bî tuì bīn tshue
風雨催好花
hong-ú tshui hó-hue
想起昔日的代誌
siūnn-khí sik-ji̍t ê tāi-tsì
愈想心愈悲
jú siūnn sim jú pi
孤單秋天照營內
koo-tuann tshiu-thinn tsiò iânn-lāi
霜雪白茫茫
sng-seh pe̍h-bâng-bâng
看見雁鳥成雙對
khuànn-kìnn gān-niáu sîng siang-tuì
飛來又飛去
pue-lâi iū pue-khì
誰知離開千里遠
siáng tsai lī-khui tshian-lí hn̄g
毋敢來袂記
m̄-kánn lâi buē-kì
懷念當初的代誌
huâi-liām tong-tshue ê tāi-tsì
哀怨目屎滴
ai-uàn ba̍k-sái tih
荒城明月照入窗
hong-siânn bîng-gue̍h tsiò ji̍p thang
思念你一人
su-liām lí tsi̍t-lâng
月色無變遮爾光
gue̍h-sik bô-piàn tsiah-nī kng
思情心頭酸
su-tsîng sim-thâu sng
空思妄想規暝恨
khang-su bōng-sióng kui-mî hūn
面肉帶青黃
bīn-bah tài tshinn-n̂g
吐出大氣對松枝
thóo-tshut tuā-khuì tuì siông-ki
吟出斷腸詩
gîm tshut tuān-tn̂g-si
