繁華的臺北市
《繁華的臺北市》Huân-huâ ê Tāi-pak-tshī
陳零九Tân Lîng-kiú
——————————————
細漢時陣
sè-hàn sî-tsūn
逐家講欲去臺北行
ta̍k-ke kóng beh khì Tâi-pak kiânn
我戇戇聽
guá gōng-gōng thiann
林強錄音帶向前行
Lín Qián lo̍k-im-tuà Hiòng-tsiân Kiânn
伊講高樓大廈
i kóng kāolóu dàxià
攏嘛起佇遐
lóng-mā khí tī hia
我想欲去遐
guá siūnn-beh khì hia
拚一个我的美夢
piànn tsi̍t-ê guá ê bí-bāng
揹著吉他
phāinn tio̍h gì-tah
揣一間學校烏白讀
tshuē tsi̍t-king ha̍k-hāu oo-pe̍h tha̍k
逐家笑我
ta̍k-ke tshiò guá
想欲紅
siūnn-beh âng
哪有遐爾簡單
ná-ū hiah-nī kán-tan
我毋管別人按怎看
guá m̄-kuán pa̍t-lâng án-tsuánn khuànn
我就是愛唱歌
guá tiō-sī ài tshiùnn-kua
我毋管別人按怎看
guá m̄-kuán pa̍t-lâng án-tsuánn khuànn
無你是欲按怎
bô, lí sī beh án-tsuánn
到了臺北
kàu liáu Tâi-pak
我懵懵懂懂
guá bóng-bóng-tóng-tóng
綴人去翕廣告
tuè lâng khì hip kóng-kò
領過便當
niá kuè piān-tong
做別人的傀儡尪仔
tsò pa̍t-lâng ê ka-lé-ang-á
共厝內底人提錢
kā tshù-lāi-té lâng the̍h tsînn
愈提是心愈虛
jú the̍h sī sim jú hi
爸爸媽媽問我
pá-pah má-mah mn̄g guá
佇臺北是咧創啥物
tī Tâi-pak sī teh tshòng siánn-mih
我講做音樂看的
guá kóng tsuè-im-ga̍k khuànn–ê
只有結果無過程
tsí-ū kiat-kó bô kuè-tîng
半暝彈吉他寫歌
puànn-mê tuânn gì-tah siá-kua
偷哭啥人會知
thau khàu siánn-lâng ē tsai
我毋管別人按怎看
guá m̄-kuán pa̍t-lâng án-tsuánn khuànn
我就是愛唱歌
guá tiō-sī ài tshiùnn-kua
高尚的臺北市
ko-sióng ê Tāi-pak-tshī
你敢有聽
lí kám ū thiann
你敢有聽
lí kám ū thiann
你敢有聽著阮的夢
lí kám ū thiann-tio̍h gún ê bāng
美麗的臺北市
bí-lē ê Tāi-pak-tshī
繁華的臺北市
huân-huâ ê Tāi-pak-tshī
你敢有聽著
lí kám ū thiann-tio̍h
庄跤囡仔的聲
tsng-kha-gín-á ê siann
離鄉閣無背景
lî-hiong koh bô puē-kíng
三頓定定配泡麵
sann-tǹg tiānn-tiānn phuè phàu-mī
臺北市
Tāi-pak-tshī
美麗的臺北市
bí-lē ê Tāi-pak-tshī
你敢有聽著
lí kám ū thiann-tio̍h
庄跤囡仔的聲
tsng-kha-gín-á ê siann
我敢大聲
guá kánn tuā-siann
拚的夢想
piànn ê bāng-sióng
一定毋是空
it-tīng m̄-sī khang
(一定毋是夢)
it-tīng m̄-sī bāng
—
大漢了後
tuā-hàn liáu-āu
已經佇臺北過五冬
í-king tī Tâi-pak kuè gōo-tang
知影趁錢辛苦
tsai-iánn thàn-tsînn sin-khóo
我開始唱歌趁錢
guá khai-sí tshiùnn-kua thàn-tsînn
臺北一零一
Taipei yīlíngyī
就徛咧信義區
tiō khiā teh Xìnyìqū
我嘛徛佇信義區
guá mā khiā tī Xìnyìqū
用我的嚨喉趁錢
iōng guá ê nâ-âu thàn-tsînn
就算三頓
tiō-sǹg sann-tǹg
有時陣攏食袂溫飽
ū-sî-tsūn lóng tsia̍h buē un-pá
就算賣保險的朋友
tiō-sǹg bē pó-hiám ê pîng-iú
攏已經出頭
lóng í-king tshut-thâu
我毋管別人按怎看
guá m̄-kuán pa̍t-lâng án-tsuánn khuànn
我就是愛唱歌
guá tiō-sī ài tshiùnn-kua
高尚的臺北市
ko-sióng ê Tāi-pak-tshī
你敢有聽
lí kám ū thiann
你敢有聽
lí kám ū thiann
你敢有聽著阮的夢
lí kám ū thiann-tio̍h gún ê bāng
