生活日記
《生活日記》Sing-ua̍h Ji̍t-kì
彭莉Phênn Lī(彭立Phênn Li̍p)
——————————————
踮在繁華的都市
tiàm-tsāi huân-huâ ê too-tshī
過著一人的日子
kuè tio̍h tsi̍t-lâng ê ji̍t-tsí
有時無聊的暗暝
ū-sî bô-liâu ê àm-mî
欶著涼涼的空氣
suh tio̍h liâng-liâng ê khong-khì
毋知遙遠的朋友
m̄-tsai iâu-uán ê pîng-iú
這馬咧想啥物
tsit-má teh siūnn siánn-mih
大聲唸你的名字
tuā-siann liām lí ê miâ-jī
予你感覺阮咧想你
hōo lí kám-kak gún teh siūnn lí
有時吵吵鬧鬧的聲音
ū-sî tsháu-tsháu-nāu-nāu ê siann-im
生活比較會較趣味
sing-ua̍h pí-kàu ē khah tshù-bī
青春歲月
tshing-tshun suè-gua̍t
雖然會過去
sui-jiân ē kuè–khì
無變的
bô piàn–ê
是咱的友誼
sī lán ê iú-gî
感情阮早就
kám-tsîng gún tsá tiō
已經來放棄
í-king lâi hòng-khì
上驚為情放袂離
siōng kiann uī tsîng pàng buē-lī
從今以後
tsiông-kim í-āu
猶原有志氣
iu-guân ū tsì-khì
面對著一个
bīn-tuì tio̍h tsi̍t-ê
全新的開始
tsuân-sin ê khai-sí
