無愛無恨
《無愛無恨》Bô Ài Bô Hūn
詹雅雯Tsiam Ngá-bûn
——————————————
街頭深深
ke-thâu tshim-tshim
只賰路燈
tsí tshun lōo-ting
寒夜無人
hân-iā bô-lâng
只賰恬靜
tsí tshun tiām-tsīng
紛紛擾擾的感情
hun-hun-jiáu-jiáu ê kám-tsîng
換來滄桑的一生
uānn lâi tshong-song ê it-sing
又愛又恨
iū ài iū hūn
滾絞袂清
kún-ká buē-tshing
又哭又笑
iū khàu iū tshiò
毋捌平靜
m̄-bat pîng-tsīng
心酸委屈苦苦吞
sim sng uí-khut khóo-khóo thun
笑家己戇甲有賰
tshiò ka-kī gōng kah ū tshun
已經無愛也無恨
í-king bô ài iā bô hūn
笑笑來看這段過程
tshiò-tshiò lâi khuànn tsit tuānn kuè-thîng
情情愛愛已成浮雲
tsîng-tsîng-ài-ài í sîng phû-hûn
該了已了新的人生
kai liáu í liáu sin ê jîn-sing
已經無愛也無恨
í-king bô ài iā bô hūn
各人行向各人路程
kok-lâng kiânn hiòng kok-lâng lōo-thîng
恩恩怨怨已成浮雲
un-un-uàn-uàn í sîng phû-hûn
該了已了新的人生
kai liáu í liáu sin ê jîn-sing
該了已了新的人生
kai liáu í liáu sin ê jîn-sing
