家庭倫理
《
家庭倫理》Ka-tîng Lûn-lí
白櫻Pe̍h-ing(施豐櫻Si Hong-ing)
戴愛敏Tè Ài-bín
劉福助Lâu Hok-tsōo
謝俊雄Siā Tsùn-hiông
——————————————
女)
做人應該顧家庭
tsuè-lâng ing-kai kòo ka-tîng
毋通做著好色的人
m̄-thang tsuè tio̍h hònn-sik ê lâng
有太太已經真快樂
ū thài-thài í-king tsin khuài-lo̍k
哪通來心茫茫
ná thang lâi sim bông-bông
做人應該惜本份
tsuè-lâng ing-kai sioh pún-hūn
毋通做著好色的人
m̄-thang tsuè tio̍h hònn-sik ê lâng
踮外面風騷
tiàm guā-bīn hong-so
人看輕
lâng khuànn-khin
算利益無半項
sǹg lī-ik bô-puànn-hāng
你若無正經
lí nā bô tsìng-king
好歹看袂清
hó pháinn-khuànn buē-tshing
永遠得袂著啊
íng-uán tit buē-tio̍h–ah
快樂好家庭
khuài-lo̍k hó ka-tîng
一旦結成做伴侶
it-tàn kiat-sîng tsuè phuānn-lī
暝連日
mî liân-ji̍t
逐家靠情義
ta̍k-ke khò tsîng-gī
來期待著快樂
lâi kî-thāi tio̍h khuài-lo̍k
才有合情理
tsiah ū ha̍p tsîng-lí
逐家希望好過日
ta̍k-ke hi-bāng hó kè-ji̍t
毋通做著好色的人
m̄-thang tsuè tio̍h hònn-sik ê lâng
應該著專心來拍拚
ing-kai tio̍h tsuan-sim lâi phah-piànn
為前途來活動
uī tsiân-tôo lâi ua̍h-tāng
男)
希望翁婿顧家庭
hi-bāng ang-sài kòo ka-tîng
猶原著愛太太純情
iu-guân tio̍h-ài thài-thài sûn-tsîng
翁婿會想欲交愛人
ang-sài ē siūnn-beh kau ài-jîn
做太太有責任
tsuè thài-thài ū tsik-jīm
希望翁婿惜本份
hi-bāng ang-sài sioh pún-hūn
猶原著愛太太純情
iu-guân tio̍h-ài thài-thài sûn-tsîng
對翁婿像虎轟轟叫
tuì ang-sài tshiūnn hóo hong-hong kiò
顛倒來予人笑
tian-tó lâi hōo-lâng tshiò
你若用純情
lí nā iōng sûn-tsîng
翁婿會悔悟
ang-sài ē hué-gōo
一定思念著啊
it-tīng su-liām tio̍h–ah
快樂好家庭
khuài-lo̍k hó ka-tîng
一旦結成做伴侶
it-tàn kiat-sîng tsuè phuānn-lī
有代誌大家用參詳
ū tāi-tsì t tāi-ke iōng tsham-siông
來保持著快樂
lâi pó-tshî tio̍h khuài-lo̍k
才有合情理
tsiah ū ha̍h tsîng-lí
大家希望好過日
tāi-ke hi-bāng hó kè-ji̍t
猶原著愛太太純情
iu-guân tio̍h-ài thài-thài sûn-tsîng
應該著協力來拍拚
ing-kai tio̍h hia̍p-li̍k lâi phah-piànn
為前途得光明
uī tsiân-tôo tit kong-bîng
