茫茫人海的城市
《茫茫人海的城市》Bâng-bâng Jîn-hái ê Siânn-tshī
王茉聿Ông Bua̍t-u̍t
——————————————
放袂記
pàng-buē-kì
敢真正袂記
kám tsin-tsiànn buē-kì
回憶賰我一人相思
huê-ik tshun guá tsi̍t-lâng siunn-si
但是你
tān-sī lí
出現佇毋著的時機
tshut-hiān tī m̄-tio̍h ê sî-ki
彼時美麗的風景
hit-sî bí-lē ê hong-kíng
哪會賰一張相片
ná ē tshun tsi̍t-tiunn siòng-phìnn
這个茫茫人海的城市
tsit ê bâng-bâng jîn-hái ê siânn-tshī
緣份予阮來相見
iân-hūn hōo gún lâi sann-kìnn
彼段感情
hit tuānn kám-tsîng
是遙遠的過去
sī iâu-uán ê kuè-khì
彼个懵懵懂懂的年紀
hit ê bóng-bóng-tóng-tóng ê nî-kí
歲月予我較清醒
suè-gua̍t hōo guá khah tshing-tshínn
愛情這款代誌
ài-tsîng tsit khuán tāi-tsì
是恬恬祝福你
sī tiām-tiām tsiok-hok lí
