幸福繼續行
《幸福繼續行》Hīng-hok Kè-sio̍k Kiânn
吳秀珠Ngôo Siù-tsu
——————————————
若毋是天有夠大
nā-m̄-sī thinn ū-kàu tuā
哪有白雲美麗形影
ná-ū pe̍h-hûn bí-lē hîng-iánn
若毋是海水攏袂焦
nā-m̄-sī hái-tsuí lóng buē ta
哪有自由自在的魚仔
ná-ū tsū-iû-tsū-tsāi ê hî-á
若毋是天生註定
nā-m̄-sī thian-sing tsù-tiānn
哪有看袂?的背影
ná-ū khuànn buē siān ê puē-iánn
若毋是真心咧愛我
nā-m̄-sī tsin-sim teh ài guá
哪有可能你攏佇遐
ná-ū khó-lîng lí lóng tī hia
漫漫的人生
bān-bān ê jîn-sing
感謝你的陪伴
kám-siā lí ê puê-phuānn
扶扶挺挺
phôo-phôo-thánn-thánn
咱盤山過嶺
lán puânn-suann kuè-niá
綴著幸福一直行
tuè tio̍h hīng-hok it-ti̍t kiânn
茫茫的人海
bâng-bâng ê jîn-hái
你是我的船隻
lí sī guá ê tsûn-tsiah
相依相倚
sio-i sio-uá
嘛無啥物好驚
mā bô-siánn-mih hó kiann
因為我有你
in-uī guá ū lí
滿滿的愛佇遮
muá-muá ê ài tī tsia
—
咱綴著幸福繼續行
lán tuè tio̍h hīng-hok kè-sio̍k kiânn
