佮愛做陣行
《佮愛做陣行》Kah Ài Tsuè-tīn Kiânn
張三李四樂團Tiunn-sam Lí-sù Ga̍k-thuân
——————————————
離開故鄉的少年人
lī-khui kòo-hiong ê siàu-liân-lâng
往事親像發生佇昨昏
óng-sū tshin-tshiūnn huat-sing tī tsa-hng
看著鏡中的白頭鬃
khuànn-tio̍h kiànn-tiong ê pe̍h thâu-tsang
才發現
tsiah huat-hiān
已經過了幾若十冬
í-king kuè-liáu kuí-nā tsa̍p-tang
其實我有認真
kî-si̍t guá ū jīn-tsin
也真拍拚
iā tsin phah-piànn
只是現實
tsí-sī hiān-si̍t
佮我想的無相仝
kah guá siūnn–ê bô sio-kāng
定定懷疑家己
tiānn-tiānn huâi-gî ka-tī
敢有成功彼一工
kám ū sîng-kong hit tsi̍t-kang
若是有你鬥陣拚
nā-sī ū lí tàu-tīn piànn
我就感覺足有希望
guá tiō kám-kak tsiok ū hi-bāng
咱咧做
lán teh tsuè
毋是欲予天看
m̄-sī beh hōo thinn khuànn
好歹攏是家己來擔
hó-pháinn lóng-sī ka-tī lâi tann
人生的路
jîn-sing ê lōo
無食過苦
bô tsia̍h kuè khóo
就毋知甜
tiō m̄-tsai tinn
認真拍拚
jīn-tsin phah-piànn
才了解流汗的意義
tsiah liáu-kái lâu-kuānn ê ì-gī
牽手做伴
khan-tshiú tsuè-phuānn
咱啥物困難
lán siánn-mih khùn-lân
攏毋驚
lóng m̄-kiann
風雨無算啥
hong-hōo bô sǹg siánn
因為我有你
in-uī guá ū lí
你有我
lí ū guá
佮愛做陣行
kah ài tsuè-tīn kiânn
