水中的花蕊
《水中的花蕊》Tsuí-tiong ê Hue-luí
海岸乾杯樂團Hái-huānn Kan-pue Ga̍k-thuân
何振寬Hô Tsín-khuan
——————————————
你敢有看著
lí kám ū khuànn-tio̍h
彩色霓虹燈
tshái-sik nî-âng-ting
一直咧閃閃爍爍
It-ti̍t teh siám-siám-sih-sih
彼是咱茫渺的日子
he sī lán bông-biáu ê ji̍t-tsí
你敢有看著
lí kám ū khuànn-tio̍h
響雷的天頂
hiáng-luî ê thinn-tíng
閣加添滿天烏陰
koh ka-thiam muá-thinn oo-im
彼是咱無奈的心理
he sī lán bô-nāi ê sim-lí
看起看落
khuànn khí khuànn lo̍h
恁哪攏只愛聽
lín ná lóng tsí ài thiann
攏無愛看
lóng bô-ài khuànn
看起看落
khuànn khí khuànn lo̍h
破口的夢
phuà-kháu ê bāng
恁哪攏感覺
lín ná lóng kám-kak
趕緊趕路
kuánn-kín kuánn-lōo
自己的路
tsū-kí ê lōo
著愛自己來擔
tio̍h-ài tsū-kí lâi tann
趕緊趕路
kuánn-kín kuánn-lōo
親像水中的花蕊
tshin-tshiūnn tsuí-tiong ê hue-luí
伊長了真媠
i tióng liáu tsin suí
煞全攏來欶無空氣
suah tsuân lóng lâi suh bô khong-khì
親像水中的花蕊
tshin-tshiūnn tsuí-tiong ê hue-luí
伊慢慢仔開
i bān-bān-á khui
嘛恬恬仔媠
mā tiām-tiām-á suí
嘛恬恬仔死啊
mā tiām-tiām-á sí–ah
