黃金的故鄉
《黃金的故鄉》N̂g-kim ê Kòo-hiong
張羽偉Tiunn Ú-uí
焦炭樂團Tsiau-thuànn Ga̍k-thuân
——————————————
草青的山頂
tsháu-tshinn ê suann-tíng
風吹搖啊搖
hong tshue iô–ah iô
黃金埋咧塗跤
n̂g-kim tâi teh thôo-kha
伊咧燒啊燒
i teh sio–ah sio
曾經偌濟人的故事
tsan-king guā-tsē lâng ê kòo-sū
留予後人咧講笑
lâu hōo āu-lâng teh kóng-tshiò
曾經偌濟人的血汗
tsan-king guā-tsē lâng ê hueh-kuānn
予人咧呵咾
hōo-lâng teh o-ló
黃昏的山頂
hông-hun ê suann-tíng
夕陽燒啊燒
si̍k-iông sio–ah sio
留佇夢中的黃金
lâu tī bāng-tiong ê n̂g-kim
伊咧搖啊搖
i teh iô–ah iô
曾經偌濟人用青春
tsan-king guā-tsē lâng iōng tshing-tshun
予伊開花又結果
hōo i khui-hue iū kiat-kó
曾經偌濟人用性命
tsan-king guā-tsē lâng iōng sìnn-miā
成就金瓜石
sîng-tsiū Kim-kue-tsio̍h
遮是黃金的故鄉
tsia sī n̂g-kim ê kòo-hiong
粒積幾代人的夢想
lia̍p-tsik kuí-tāi lâng ê bāng-sióng
遮是黃金的故鄉
tsia sī n̂g-kim ê kòo-hiong
定定出現佇夢中
tiānn-tiānn tshut-hiān tī bāng-tiong
遮是我的故鄉
tsia sī guá ê kòo-hiong
伊叫做金瓜石喔~
i kiò-tsuè Kim-kue-tsio̍h–ooh~
