風瀟瀟雨飄飄
《風瀟瀟雨飄飄》Hong Siau-siau Hōo Phiau-phiau
張羽偉Tiunn Ú-uí
焦炭樂團Tsiau-thuànn Ga̍k-thuân
——————————————
酒若落喉
tsiú nā lo̍h-âu
彼日的情景
hit-ji̍t ê tsîng-kíng
隨時到
suî-sî kàu
風瀟瀟雨飄飄
hong siau-siau hōo phiau-phiau
飄撇的男兒
phiau-phiat ê lâm-jî
毋閣回頭
m̄-koh huê-thâu
管伊風抑是雨
kuán i hong ia̍h-sī hōo
目屎已經欲輾落塗
ba̍k-sái í-king beh liàn lo̍h-thôo
遮濟年後
tsiah tsē nî āu
離別的情景
lî-pia̍t ê tsîng-kíng
放袂掉
pàng buē-tiāu
風瀟瀟雨飄飄
hong siau-siau hōo phiau-phiau
一杯閣一杯
tsi̍t-pue koh tsi̍t-pue
強吞落喉
kiông thun lo̍h-âu
管伊風抑是雨
kuán i hong ia̍h-sī hōo
目屎猶原是輾落塗
ba̍k-sái iu-guân sī liàn lo̍h-thôo
為啥物我的感情
uī-siánn-mih guá ê kám-tsîng
遮爾悲慘
tsiah-nī pi-tshám
想著時目屎滴
siūnn-tio̍h sî ba̍k-sái tih
心肝親像是針咧揻
sim-kuann tshin-tshiūnn sī tsiam teh ui
為啥物你的感情
uī-siánn-mih lí ê kám-tsîng
遮爾虛偽
tsiah-nī hi-guī
講離開就離開
kóng lī-khui tiō lī-khui
心肝親像是鐵棕蓑
sim-kuann tshin-tshiūnn sī thih tsang-sui
酒閣落喉
tsiú koh lo̍h-âu
決心欲將你放予掉
kuat-sim beh tsiong lí pàng hōo tiāu
風瀟瀟雨飄飄
hong siau-siau hōo phiau-phiau
飄撇的男兒
phiau-phiat ê lâm-jî
毋願閣哭
m̄-guān koh khàu
管伊風抑是雨
kuán i hong ia̍h-sī hōo
目屎毋願閣輾落塗
ba̍k-sái m̄-guān koh liàn lo̍h-thôo
