華西街的一蕊花
《華西街的一蕊花》Huâ-se-kue ê Tsi̍t-luí Hue
蕭福德Siau Hok-tik
——————————————
我有一工
guá ū tsi̍t-kang
佮朋友去廣州街
kah pîng-iú khì Kńg-tsiu-kue
夜市仔煞無人咧賣
iā-tshī-á suah bô-lâng teh buē
本底想欲
pún-té siūnn-beh
去食一碗虱目魚糜
khì tsia̍h tsi̍t-uánn sat-ba̍k-hî-mê
害阮癮甲是無地揣
hāi gún giàn kah sī bô-tè tshuē
阮只好閣行到華西街
gún tsí-hó koh kiânn kàu Huâ-se-kue
巷仔內的小姐
hāng-á-lāi ê xiǎojiě
叫阮入來坐喔
kiò gún ji̍p-lâi tsē–ooh
對面閣有
tuì-bīn koh ū
兩个少年仔咧冤家
nn̄g-ê siàu-liân-á teh uan-ke
拍甲是頭犁犁
phah kah sī thâu lê-lê
華西街的一蕊花
Huâ-se-kue ê tsi̍t-luí hue
閣踮佇門口
koh tiàm-tī mn̂g-kháu
咧搝人客
teh khiú lâng-kheh
華西街的一蕊花
Huâ-se-kue ê tsi̍t-luí hue
伊看起來
i khuànn–khí-lâi
嘛才十五六歲
mā tsiah tsa̍p-gōo-la̍k huè
聽講阿啄仔
thiann-kóng a-tok-á
攏足愛去華西街
lóng tsiok ài khì Huâ-se-kue
頭一擺看刣蛇咧賣
thâu tsi̍t-pái khuànn thâi tsuâ leh bē
怹閣行到
in koh kiânn kàu
龍山寺廟的內底
Liông-san-sī-biō ê lāi-té
拜怹無熟似的五府千歲
pài in bô si̍k-sāi ê Ngóo-hú Tshian-suè
華西街的一蕊花
Huâ-se-kue ê tsi̍t-luí hue
伊開佇
i khui tī
烏烏暗暗的巷仔底
oo-oo-àm-àm ê hāng-á-té
華西街的一蕊花
Huâ-se-kue ê tsi̍t-luí hue
伊看起來
i khuànn–khí-lâi
嘛才十五六歲
mā tsiah tsa̍p-gōo-la̍k huè
華西街的一蕊花
Huâ-se-kue ê tsi̍t-luí hue
毋知啥物人
m̄-tsai siánn-mih lâng
逼伊來賣
pik i lâi buē
華西街的一蕊花
Huâ-se-kue ê tsi̍t-luí hue
伊開閣較媠
i khui koh-khah suí
嘛是愛繼續做
mā sī ài kè-sio̍k tsuè
