秋戀
《秋戀》Tshiu Luân
方采霞Png Tshái-hâ
——————————————
秋風吹
tshiu-hong tshue
陣陣寒
tsūn-tsūn kuânn
拍碎寂寞阮的心肝
phah-tshuì tsi̍k-bo̍k gún ê sim-kuann
聽窗外落葉聲
thiann thang-guā lo̍h-hio̍h siann
目前浮出你的形影
ba̍k-tsîng phû-tshut lí ê hîng-iánn
講啥物海水會焦
kóng siánn-mih hái-tsuí ē ta
講啥物石頭會爛
kóng siánn-mih tsio̍h-thâu ē nuā
我永遠是你的性命
guá íng-uán sī lí ê sìnn-miā
只不過是安慰我
tsí-put-kò sī an-uì guá
純情花蕊開一半
sûn-tsîng hue-luí khui tsi̍t-puànn
請你毋通欺騙我
tshiánn lí m̄-thang khi-phiàn guá
無情雨
bô-tsîng hōo
遮爾大
tsiah-nī tuā
沃澹寂寞阮的心肝
ak-tâm tsi̍k-bo̍k gún ê sim-kuann
聽孤雁的叫聲
thiann koo-gān ê kiò-siann
輕輕叫著你的名
khin-khin kiò tio̍h lí ê miâ
我對你舊情難忘
guá tuì lí kū-tsîng lân-bōng
我對你情深難捨
guá tuì lí tsîng tshim lân-siá
愛情較重人的性命
ài-tsîng khah tāng lâng ê sìnn-miā
你講的話著照行
lí kóng ê uē tio̍h tsiàu kiânn
純情花蕊謝一半
sûn-tsîng hue-luí siā tsi̍t-puànn
請你毋通辜負我
tshiánn lí m̄-thang koo-hū guá
